رێکخراوی وزەی ئەتۆمی ئێران رایگەیاند کە رژێمی سەهیۆنی هێرشی ئاسمانی بۆ سەر ڕیاکتۆری لێکۆڵینەوەی ئەراک و کۆمەڵگەی ئاوی قورسی خۆنداب ئەنجام داوە.

بەگوێرەی سەرچاوە فەرمییەکانی ئێران، هێرشەکە لە کاتژمێرەکانی سەرلەبەیانی بەکاتی ناوخۆ ئەنجام دراوە.

رێکخراوی وزەی ئەتۆمی ئێران رایگەیاندووە کە هێرشەکە هیچ زیانێکی گیانی لێنەکەوتووەتەوە و خەڵکی دەوروبەری ڕیاکتۆرەکەش بەهۆی ئەو ڕێوشوێنە تەکنیکی و ئەمنییانەی پێشوەختە گیراونەتەبەر هیچ مەترسییەکیان لەسەر نەبووە.

بەرپرسابنی ئێران رایانگەیاند، هێرشەکە زیانی بە توێژینەوە و چالاکییە زانستییەکان گەیاندووە بەڵام پلانی بەرپەرچاندەوەی فریاکەوتن بۆ دڵنیابوون لە ئاسایشی دامەزراوە ئەتۆمییەکان دانراوە.

دەسەڵاتدارانی ئێران ئەو هێرشەیان وەک هەڕەشەیەکی سیستماتیکی بۆ سەر ژێرخانی ئەتۆمی ئێران هەڵسەنگاند و جەختیان لەوە کردەوە کە ئەم هەنگاوە نموونەیەکی ڕوونی دەستدرێژیکردنە سەر یاسا نێودەوڵەتییەکان و چالاکییە ئەتۆمییەکانی ئاشتیانە.

لە لایەکی دیکەوە شیکارییەکان لە چاپەمەنییەکانی ئێراندا ئاماژەیان بەوە کردووە کە ئەو هێرشە رەنگدانەوەی زیادبوونی بێهیوایی رژێمی سەهیۆنییە.

ئێران وێڕای سەرنجدان بە مەترسییەکانی سەر ژێرخانی پێشکەوتووی شەڕی ئەلیکترۆنی، بەتایبەتی لە دەوروبەری دامەزراوەی خۆنداب، دووپاتی کردەوە کە درێغی ناکات لە بەکارهێنانی "مافی ڕەوای بەرگری" خۆی.(İLKHA)